李安憑《斷背山》（BrokebackMountain）奪奧斯卡最佳導演獎，而無綫推出的新節目《囍趣台》亦叨光，安排林曉峰和錢嘉樂上演「斷背心」，在帳篷內織冷衫來打響頭炮，爭取高收視。
由錢嘉樂、林曉峰（Lo）、鄧兆尊和官恩娜（Ella）主持的無綫全新搞笑節目《囍趣台》，昨晚在將軍澳電視廣播城舉行開廠拜神儀式，首集還請來曾志偉擔任嘉賓。嘉樂昨日以蘇民峰造型出現，但未及一身激凸現代超人look、扮鍾景輝的阿Lo搶鏡，二人在儀式上頻頻戲弄Ella，把她掉到冰床上，弄得她渾身濕透，幸Ella早有打底。
「見到都想嘔」
今次新節目透過四位主持以搞鬼扮相反映時事、娛樂及社會問題，如日前阿Lo和嘉樂便模仿《斷背山》中兩位男主角，上演一幕《斷背心》。嘉樂昨日談及拍攝《斷背心》的趣事時笑說：「裏面嗰啲係錯摸嘅親熱戲，我哋其實喺度織緊冷衫。我同阿Lo識咗十幾年，第一次咁近距離見到佢唔戴眼鏡個樣，成個蘇永康look咁，又化妝化到對眼好淫，所以我同工作人員見到都忍唔住笑。」
阿Lo則說：「對住錢嘉樂我就諗起李珊珊，佢一路想挑起我嘅情感，但我就一路抑壓住，見佢面方方，我就心慌慌，佢扮柔情個樣，我見到都想嘔。」
懶理別人家事
此外，兆尊胞弟兆榮曾與Ella拍拖，昨日Ella與兆尊同場出現，表現卻未見熟絡，Ella表示去年台慶曾跟兆尊見面。對於近日鄧家爭產官司，Ella認為是人家家事，故不便多言。問她跟兆榮是否很久沒見時，她說：「人哋結咗婚，唔好提啦，費事人哋誤會，當年我哋只係朋友，唔係拍拖。」對於近日與祥嫂洪金梅的官司，兆尊指兆榮和小艾自會處理。
採訪：卓寶花
攝影：林德雄
