衞蘭與孖生妹妹衞詩同樣性格火爆，由於衞蘭比妹妹早兩分鐘出生，有爭執時她總會讓妹妹。兩姊妹感情從小很好，不過就曾以利器互相恐嚇，但不消一會又搭膊頭和好如初，還是那句：姊妹情深。
衞蘭（Janice）和衞詩（Jill）出生後，身為樂隊主音的菲籍父親去了日本夾band謀生，兩人七歲才與父親聚首，所以她們小時候相依為命，感情極佳。
粉紅色戰爭
日前Janice在電話中重提與Jill的童年時光，不禁笑說：「細個嗰陣，着親粉紅色、用粉紅色嘢嘅一定係妹妹，我細個都好鍾意粉紅色，成日同妹妹爭，但我大佢兩分鐘，所以次次都讓佢。」
衞蘭續說：「我哋兩個都係白羊座，都係火象星座嘅人，一衝動起上嚟唔知點停。有時嗌交，會攞啲好尖嘅嘢好似鉸剪咁，佢會嚇吓我，我又嚇吓佢，但唔會郁手，嗌完交跟住又冇嘢，仲會話：『不如一齊去睇戲吖！』，好friend㗎！」
父親長期在海外工作，令Janice和Jill小時候都缺乏父愛，後來父親還跟韓籍太太離婚，令兩姊妹更是難過。
Janice說：「雖然見唔到爹哋，不過都會寫信畀佢，仲叫佢寄啲靚鞋靚衫畀我哋，點知我變到好肥，佢寄嚟嘅衫都着唔到。細個唔可以同爹哋媽咪一齊住，都會唔開心，不過人大咗會原諒呢啲嘢。但呢啲都好深刻，永遠唔會忘記，同佢嘅關係keep得好就得喇。」
採訪：朱倬誼
部份圖片提供：衞蘭
