噚日新創建宣布中期業績，喺會展搞記者會，解釋上半年盤數，最令我哋班年輕女行家雀躍嘅唔係加咗中期股息，而係彤叔鄭裕彤嘅外孫，亦即新創建副主杜惠愷嘅乖仔杜家駒（圖）在場。佢同阿爸同一個餅印兼同樣有可愛嘅「酒凹」，今年32歲，係英國牛津大學法律碩士，今年1月，獲委任為新創建董事，年薪有成200萬元，身家就唔識計囉。