噚日同班IT行家聚首食飯，除咗互相八吓各大雜誌走勢外，少不免講吓近期兩大熱門話題──九鐵董事互插同警監會兩單嘢，某IT大書嘅PC黃猛噴口水，用其管理高層嘅立場分析九鐵互插事件，冇錯係幾精采幾獨到，不過對住我哋班SmallPotato可算冇乜共鳴，最後DC陳忍唔住口，將話題帶到警監會度。食網絡保安飯嘅實蕉李率先搭腔，佢話呢單嘢完全唔關Hacker事，據官方公布，資料庫係冇接駁互聯網，即係與世隔絕，出事多數係有「內鬼」。
講講吓引伸到網絡保安問題，佢話真正Hacker會上網Seach大堆IP，見到邊個落得最多工夫搞保安嘅，就全力攻陷佢為止，如SetPath、SubDomain、超級加密Password等，即代表該處正隱密一啲好有價值嘅嘢。反而普通電腦User真係唔使驚，搞你嘅都係啲「學生級」Hacker嚟，裝個AntiVirus同SetFirewall已經好夠。
吓？唔搞咁多花臣反而仲安全？呢餐飯真係令我獲益良多囉！