港大間Space今年成立50周年，慶祝活動多籮籮，好似三八婦女節，喺會展開Party，身為董事局主席，近排少咗出席飯局嘅張永霖（圖二）都有到，身為主人家，冇理由唔捧自己場啫！
佢話畀華華知，二月尾抽空去咗巴黎一轉，唔計搭飛機，實質得兩日自由活動。嘩，雖則張永霖坐飛機唔使錢（國泰退休高級職員福利之一），但搭十幾個鐘頭機留兩日，究竟咁趕為乜呢？咪就係為咗睇PierreBonnard嘅畫展（圖一）。
佢話落機安頓好，去到畫展會場ModernMuseumofParis已經成11點，同大班法國人齊齊排隊等入場，足足排咗40分鐘，嗰日天寒地凍，都咪話唔淒涼，但可以睇到過百幅Bonnard名作，佢即刻覺得乜都抵番晒。第二日仲有時間去行埋D'Orsay博物館，都不知幾開心！