陳豪、陳敏之和黎姿日前到杭州和上海為有份主演的無綫劇集《胭脂水粉》造勢，令當地出現萬人空巷的場面。陳豪更任攬唔嬲，不過只限女性，因為他怕被人誤會是「斷背山」。
陳豪和黎姿有份主演劇集《金枝慾孽》早前在內地三十一個城市播映時，獲得二億觀眾支持，並壓倒韓劇《大長今》。無綫有見上次湖南宣傳奏效，緊接《金》劇的《胭脂水粉》開播，無綫即再度安排陳豪、陳敏之和黎姿日前到杭州和上海宣傳造勢。
女fans任攬
三人日前出現杭州戶外宣傳，大批觀眾擠得水洩不通，場面墟冚。黎姿一出場，全場影迷即時大喊她的名字，反應極之熱烈。黎姿與陳敏之更大開金口，獻唱金曲，又與現場觀眾玩遊戲，掀起高潮。
對於內地影迷的熱情，陳豪很感動，他昨日接受電話訪問時說：「啲女影迷見到我，猛問可唔可以攬吓我，咁我又覺得冇乜嘢，咪答應佢哋嘅要求囉！」
人氣急升
不過陳豪並非一視同仁，男影迷要親近陳豪卻未能得逞，他說：「男fans唔得，佢哋只可以同我握手，我怕俾人誤會我《斷背山》（BrokebackMountain）。」
因《胭》劇帶挈而在內地人氣急升的陳敏之，昨日在電話中說：「內地嘅影迷真係好熱情，佢哋好多係由好遠嘅地方專登趕嚟睇我哋，佢哋又好有心，親手造咗一啲禮物畀我。」
採訪：比華利
