花𡃁Can：揉揉捏捏　女友冧晒

花𡃁Can：揉揉捏捏　女友冧晒

男友最經常俾女友投訴的頭號弱點，「你都唔夠細心」、「浪漫啲得唔得呀」必定榜上有名。咁我都明白，平時做嘢咁忙，冇時間諗計冧女友，或者有時失魂係人之常情。不如閒時幫女友做吓身體磨砂，磨砂時將全副心思，都放晒係女友身上。細意幫佢扮靚喎，實Feel到你重視佢。

記者：劉昱蘭
攝影：楊錦文
協力：馬靜兒
Model：Va&Roy@PureModels
場地提供︰Decleor（28902038）

要𠱁女仔就唔可以馬虎亂磨一通，加埋有手勢的按摩手法，仲要不時耳語一番，溫馨、舒服、扮靚一Take過，仲唔浪漫滿瀉？點按先舒服？等法國品牌DecleorSpa場的按摩師，過番幾招畀你傍身啦！

肩　又揉又揑

一眾OL們，分分鐘對住電腦仲多過對住男友，加上工作緊張，常覺得肩頸僵硬無力，所以按摩加磨砂時，香肩是第一個重點部位。

即時鬆晒！
■由頸後的位置開始，搣起頸部的肉，至肩膊位置。

■以手指背部的第三節，用力由頸向肩膊位置推，再往頸部拖回原來位置。

背　輕敲拖拉

夏天要穿露背裝，背脊夠唔夠滑溜好重要。要擁有滑不留手的靚背，必須假手於人，男友責無旁貸。咪以為隨便塗點磨砂膏打圈就得，否則，背脊都俾你磨花！

■雙手放在背上，如圖示由上而下推。由腰位開始，一直打橫做至肩位。到肩位時用力一推，再慢慢反方向推往腰位。

■將手指的關節放在脊骨兩旁，由上至下輕力敲打。

腿　壓拳推拉

踏入初春，短褲裙仔慢慢出籠，雙腳又肥又腫點見人？男仔就要畀啲力水，幫女友通吓淋巴排毒，咁輕鬆減到肥喎，女友錫晒你啦！

■呢組動作小腿大腿都要按。先用手指關節位用力向上推。

■再用手掌拉番落嚟，非常簡單。

手　先揑後按

女仔除了塊面要見人外，雙手都不容忽視，手臂有死皮，點穿背心？遞卡片畀人，雙手布滿死皮，就自己露出馬腳。不過，既然男友都體貼，女仔幫男友做番手部按摩都好應該。

■用雙手的虎口位在上臂位置，將肌肉先壓、再揑起、擠壓、然後放鬆，咁樣肌肉可以得到刺激，減少僵硬。由手腕一直推至肩膊。

■由手腕至肩膊位置，以拇指不斷向上用力打圈，圈的大小就好似十蚊銀咁大。

■以雙手的拇指由手腕位置開始向上推。

自製浪漫

依蘭依蘭精華油對女性有催情作用，檀香精華油則對男性有壯陽及提升心情的作用，用它們調製磨砂膏，浪漫氣氛特別濃厚。

催情
■將20滴依蘭依蘭精華油加入100毫升的可可巴底油，再加適量的粗鹽撈勻，即成自製的磨砂膏。

■（右至左）
可可巴底油$440（h）
依蘭依蘭精華油$530（h）
檀香精華油$900（h）

對症下藥
熱戀甜蜜蜜

打開磨砂膏的盒，已聞到甜蜜蜜的香味，塗在身上，味道甜得似食糖，加埋honey的按摩手勢，冧死！

■TheFaceShop清香花味$80（i）
淡淡花味，即時想起男友送花時的甜蜜感覺。

■BodyShop生果磨砂膏未定價（4月1日才發售）（a）
乾性皮膚用杧果或椰子磨砂膏，前者含杧果核成份，特別滋潤。木瓜和提子核磨砂膏啱中性皮膚用。　

日日沖夠溫和

男友無可能日日幫你磨砂，而且日日磨砂好傷皮膚，可選性質溫和嘅，有磨砂成份的沖涼液，就日日都keep住啲皮膚咁滑啦！

■Decleor去角質磨砂膏$310（d）
有天然絲瓜纖維能去角質，維他命原B5可軟化肌膚。

■Lush煥然一身磨砂芭$75（b）
細緻的杏仁粒、碎米及大紅豆，可助你去水腫，減少橘紋與去除老化角質。可可油及乳木果可滋潤肌膚，用後有煥然一新的感受。

■Solstis磨砂沐浴啫喱$185（c）
有可可巴油和黑莓精華，可補充水份，甚至減褪色斑。

■BodyShop生果沖涼磨砂液　未定價（4月1日才發售）（a）
蜜柑和士多啤梨味，好爽好有食生果feel！

消脂瘦身

女仔人生最大的事業就是瘦身，沖涼都可以瘦，不作他想，即試！

■Lush飛沙走石香氛皂　$45/100g（b）
一面含檸檬香油與芫荽油具排毒、去水腫功效；一邊的幼砂有磨砂作用，肌膚變幼變滑，身段也變苗條。

■BernardCassiere辣椒磨砂膏$290（e）
一看樽身的辣椒就知具消脂作用，邊磨砂邊消脂，又滑又瘦，一舉兩得！

冷戰冷靜

跟男友嗌交當然要冷靜一下，海洋味道可舒緩氣憤的情緒。

■~H2O+海洋磨砂膏$170（g）
充滿海洋的氣味，邊磨砂邊感受到置身大海的清爽，好想去沙灘游水呀！

■SOTHYS海洋磨砂膏$270（f）
含甜杏仁油及乳木果，甘菊精華有舒緩作用。質地輕柔，溫和去死皮，幫助肌膚吸收其他潤膚產品的成份，適合任何皮膚。

磨砂DO&DON'T
DO

１.磨砂粒子通常有分粗幼，關節位可用粗粒磨砂。

2.磨砂後的皮膚毛孔較大較粗，洗澡後應立即噴上爽膚水，除收縮毛孔外，亦有保濕作用，保持皮膚水份。

■~H2O+保濕身體噴霧$120（g）

DON'T

1.雖然話磨砂和按摩可以同時進行，但因為磨砂膏不宜停留在皮膚表面太久，所以最好半小時就沖身。

2.如果你用的磨砂膏是油份為主的，稍作沖身後，宜以毛巾印乾皮膚，讓皮膚多吸收油份，皮膚不會那麼乾燥。

（a）TheBodyShop25377072
（b）Lush31010130
（c）Fruits&Passion31041839
（d）Decleor28902038
（e）BernardCassiere28818300
（f）SOTHYS25770881
（g）~H2O+23882727
（h）Alqvimia28810933
（i）TheFaceShop34263230