和風豬扒包燒汁勁正豬扒包興咗好耐，就連我肥平樓下間大牌檔都話有豬扒包賣，悶到極！不過，最近俾我發現美心快餐新出吉列豬扒包，豬扒炸至脆卜卜，配埋番茄生菜唔覺油膩，最正係個和風醬燒汁，酸酸哋又帶芝麻香味，夠晒鬆軟，配埋飲品都係賣18蚊，下午茶食番個啷胃啱晒！
美心MX及美心快餐茶市有售 肥平：為食狂，肚腩大過頭，乜都擺入口。