黃耀明跟香港管弦樂團合作的一連四場「港樂VS黃耀明電幻狂想曲」演唱會，前晚在紅館圓滿結束，除了明哥的外籍斷背男友外，陳奕迅和徐濠縈、關淑怡和林嘉欣均往捧場，而徐小鳳則於大前晚捧場。
獻給阿梅
明哥唱完梅艷芳為關懷愛滋而錄的《我們不哭了》後說：「首歌送畀受疾病煎熬嘅人，送畀受歧視嘅人同送畀梅艷芳。」明哥唱《下一站天國》時，其白色運動裝有滲血效果，觀眾大叫：「Call白車呀。」明哥在慶功宴上說：「我畀自己平均八十五分，我最鍾意好多血嗰件衫同十字架。李安有個斷背山，我有個十字架。」
提到小鳳捧場，明哥說：「佢話俾啲血嚇親，仲話有時睇演唱會會瞓着，睇我呢個冇。佢同林子祥係我最鍾意嘅前輩，喺佢面前唱《大亨》好驚，佢仲叫我寫歌畀佢喺演唱會時唱。」
採訪：李珮洳
攝影：葉君海
