半新股中國香精香料（3318）靜咗一輪後，本周有大行出報告話買得過。經紀黃話，隻股業務較冷門，本地股市唔多見，加上有大行里昂唱好，不妨留意吓。
中國香精在去年12月上市，開頭平平無奇，早排因市況向好及市場大炒內需股而急升，最高升過上去2.90元，比起招股價1.18元，升1倍有多。近排交投雖然明顯減少，但股價仍然硬淨，昨日升4.63％，收2.825元，成交股數104萬股，金額289萬元。
經紀黃話，雖然本港尚有1隻中怡精細化工（2341）都係做香料生意，但新入行有一定難度，所以毛利率相對較高。
另外，經紀黃提到紡織股天虹紡織（2678），隻股上周有澳洲上市公司申報持有5％後，昨日又有惠理基金申報持有5％。
天虹早排由1.10元水平突然抽上，然後有兩個大隻佬曝光話揸咗5%，睇嚟應該仲有下文，隻股昨日收1.49元,升4.2%。
慕容小初