趙薇前日三十歲生日，當晚佢竟然冇約人，反而喺自己嘅官方網站留到凌晨三點幾。趙薇啱啱拍完許鞍華執導嘅電影《姨媽的後現代生活》，就傳同汪雨（右）分手，令佢成個人變得好低調，連生日都係一個人上網過。佢重留言慨歎三十歲生日，覺得自己老喇，好希望出年倒退到二十九歲生日，每年遞減一歲咁話。