李彩華（Rain）前晚與馬浚偉齊為無綫慈善籌款節目《博愛歡樂傳萬家》演出，二人合作大跳懷舊舞，當馬仔從後抱起阿Rain讓她做出擘腿動作時，他的一隻手竟游移到阿Rain的重要部位，畫面甚為不雅，似有鹹豬手之嫌。
李彩華、馬浚偉、汪明荃（阿姐）、焦媛、陶喆和倫永亮等人，前晚齊到北角新光戲院為無綫慈善節目《博愛歡樂傳萬家》演出，共籌得近千萬元善款。阿Rain和馬仔在一個表演環節中扮演戲班小情侶，二人大唱懷舊歌，穿上性感舞衣的阿Rain更與馬仔大跳辣身舞。
三褲打底
「我進入咗忘我境界」
當馬仔從後托起阿Rain的身體，讓她做出擘腿動作時，馬仔的右手本來放在阿Rain的大腿內側，其後竟游移到她的重要部位。馬仔的舞步亦顯得十分生硬，完場一幕，他理應把阿Rain抱起，讓她用雙腳勾着其大腿擺出優美甫士完結，但他竟氣喘如牛兼手震震。
對於馬仔涉嫌鹹豬手，阿Rain昨日在電話中說：「我當時真係感覺唔到，可能我跳得太投入，當時個腦只諗住下一part點跳，進入咗忘我境界，啲相影到會唔會關乎角度問題？我一向同馬仔都熟，我相信佢嘅為人，同佢合作我好放心，我真係冇蝕底，相信大家都係為件事好。加上我都知條裙易走光，連埋底褲打底褲，我一共着咗三條，做足防禦措施。」
不過阿Rain亦擔心「遇襲」照片效果不雅，她說：「我驚睇相時會尷尬。」會否擔心緋聞男友蕭定一呷醋？她說：「唔講佢，我同佢劃清界線。」
而馬浚偉昨日在電話中回應此事時說：「我係為慈善跳舞，我係依足排舞老師嘅指導同動作去跳，跳嘅時候亦冇諗咁多，跳舞一定會有身體接觸，我覺得最緊要事前溝通，我同阿Rain嘅溝通冇問題呀。」
專業意見
「手部好少放錯位置」
至於現為跳舞老師、曾多次在亞視大騷中表演舞蹈的饒珮君，昨日在電話中說：「其實我教跳舞嘅，我哋跳開都會同對手做好溝通，手部基本上都好少放錯位置，但有時都會有例外。」
此外，阿姐前晚壓軸演唱韓劇《明成皇后》主題曲時，獲五位總理支持，合共籌得一百萬元善款，力壓其他藝人的善款數字，成為籌款成績最好的表演項目。而何韻詩和胡美儀合唱粵曲《鳳閣恩仇未了情》及劉雅麗演唱《傾城之戀》，則分別籌得六十萬元。
採訪：王連連、卓美娟
