【本報訊】九鐵主席田北辰上任後，力主改革公司文化，要求提高管治透明度，但由於過於急進，結果得罪了上下員工，特別是與他接觸最多的中、高層管理人員，故這批管理層職員昨得悉田宣布辭職，均大表歡迎，指就算懸空主席一職，對公司運作並無影響，反而大有好處，起碼可紓緩員工壓力，各人不用動輒被問責，做事反而更賣力。
盲目增透明度玩殘員工
九鐵員工知悉田北辰請辭後議論紛紛，有高層管理人員私下稱，目前已有近四千名員工署名「倒田」，作為策動者的署理行政總裁黎文熹，事前無想過行動獲一呼百應，「𠵱家田北辰見到無人支持自己，都無趣啦，佢平時為人爽快，咁快辭職一啲都唔出奇。」該高層指，就算主席懸空，亦不會影響前線服務，「前線同事知道咗，會仲畀心機做嘢啦。」
一名曾服務地鐵的九鐵員工分析稱，兩間公司均是主席及行政總裁分家，但九鐵給人的印象較差、管理有問題，主要是田北辰盲目要求提高透明度，「舉個例，兩鐵部份嘅車都購自同一間廠，點解好似只有九鐵有裂痕？其實地鐵一樣有好多問題㗎！」由於田要求員工事事通報，結果員工終日忙於通報資料而疲於奔命。
有中層管理人員亦坦言「一個人嘅離開，對九鐵嘅影響唔會好大啫，特別係主席嘅角色，只不過定下啲政策。」該人士又指田下台對公司反而有好處，早前田在九鐵員工大會向各人解釋本身的管理風格，「當時已經令人覺得佢同九鐵文化格格不入㗎啦，𠵱家佢辭職，大家嘅壓力可以紓緩一啲啦！」