前晚慘遭觸及敏感部位，但堅稱信任拍檔馬浚偉的李彩華，昨日興高采烈地與陳小春、元華、彭敬慈及Tommy等，到大角嘴港灣豪庭出席電影《打雀英雄傳》宣傳活動，眾人在現場玩鬥快「甩」牌遊戲，結果由小春勝出，而在鬥快食糊環節中，李彩華則連續兩次自摸勝出，十分好運。
逢賭必贏
小春最近成功考獲電單車駕駛執照，他說：「好開心，仲係一次過pass，考試嗰陣真係好緊張，心情緊張過開演唱會，又心跳又手震，𠵱家攞到牌我會買幾架電單車。」
此外，李彩華自覺今年運氣相當好，早前買六合彩更中了數千元彩金，她說：「由今年開始就好好運，之前我去過美國同雲頂賭場，結果都贏錢，我聽人講去到雲頂賭場，掟啲糖喺地下就會贏錢，結果真係得，過年嗰時我重着住紅色底衫褲打牌，結果又贏，唔到你唔信邪，不過我本身唔係一個爛賭嘅人，得閒仲會買旗做善事。」
採訪：魯萍 攝影：陳慧安
