輕細纖巧的手機，往往較能討好現代女性，但藝人廖碧兒獨愛體積較大的PocketPC電話，方便她隨時隨地記事、收發電子郵件及進行網上理財。
廖碧兒笑言：「電話、相機、電腦、傳呼機、攝錄機……所有數碼產品都齊，仲有用藍芽㖭。」普遍女性首重產品外形，她卻斬釘截鐵表示：「質素同功能先係最重要，寧願犧牲產品外形。」因此她選擇了集多種功能於一身、但較普遍手機大的PocketPC電話，她解釋：「有時經理人打電話講低工作時間同地點，次次要筆、要紙，好唔方便，電話嘅筆記簿正好解決問題。」
她表示，除了記事功能，PocketPC電話的電話簿功能及上網功能也較普通電話優勝，「唔使帶住部電腦，有時幾日都無得返屋企，部電話都可以收下電郵、做下網上理財。」另外，電話的「襟跌」程度也是另一考慮因素，「有時三千幾蚊嘅機，跌一跌就壞；反而八百幾蚊就跌極都無事。」
親手試機了解質素
至於揀選數碼相機方面，鍾情攝影的廖碧兒喜歡擁有在相片加添插畫功能的型號，「唔使好專業、唔使樣樣set好晒，半自動半人手，可以調校自己想要嘅拍攝模式。」她認為，想了解相機的質素，最直接的方法莫過於親手試機；另外，可直接詢問朋友的意見及考慮品牌聲譽，她笑言：「知道記者用邊部機，第日登咗報紙，睇番張相靚唔靚，都可以對部機了解更多。」 記者：黃嘉寶
逢周一刊出