今晚會開始轉涼，喉嚨見乾燥嘅話，煲吓合掌瓜瘦肉湯就夠晒清甜滋潤啦！煲瘦肉湯其實有好多秘訣，例如應該先用大火煮滾，然後用細火煮透，最後再用番大火滾兩滾，肉味就會散發得最好。另外，好多時煲完湯嘅瘦肉都會腍晒食唔落，所以我買餸時會指明要半肥瘦嘅豬肉，咁煲完嘅瘦肉都依然嫩滑，蘸豉油食又可以當一味餸啦！
