來自迪士尼樂園的「白雪公主」，跟許多唐狗一樣，在一個鄙視唐狗的國度裏，沒有尊嚴的活着。中國人的社會如此唾棄唐狗，認真諷刺。一名中學生基於公義與仁愛創立了「唐狗大聯盟」，決意為唐狗大平反。
白雪公主左耳豎起，右耳耷低；左眼大，右眼細，悶悶不樂的呆坐在膠籠內。這頭一歲大的狗女早前從迪士尼樂園建築地盤裏送來愛護動物協會，接受一連串獸醫觀察，健康良好，但情緒低落。
「冇人理好唔公平」
「佢好乖，唔吠人，但係我哋好擔心，佢好怕陌生人。」送到愛協的初期，職員替她洗澡時，白雪公主害怕得全身顫抖，「佢從來唔會望人，好似自閉咁。」愛協職員一邊評論，一邊逗着白雪公主，奈何狗公主始終不瞅不睬。
前來愛協考慮領養被遺棄狗隻的人，一看見唐狗就直行直過，「試過有對情侶，睇到隻狗仔好可愛，問我哋係乜嘢品種，我哋話係唐狗，佢哋即刻呆咗，然後就走過隔籬睇第二隻狗。」愛協義工May說。
從事財務策劃的May本身飼養了兩頭唐狗，分別叫「胡金吉」和「胡金彪」。她指「金彪」的確「樣衰」，但牠對從愛協領養牠的主人忠心耿耿，足以彌補外表的不足。
「唐狗代表中國，但係竟然咁多唐狗變成流浪狗，冇人理，好唔公平。」中學生Derek成立唐狗大聯盟網上組織，召集愛犬之人，維護唐狗權益。透過網站，狗主可領養唐狗或找尋主人。
記者：蔡元貴