傅明憲、成龍、何超瓊及鍾鎮濤范姜等前晚往君悅酒店出席名錶FranckMuller舉行的晚宴。
一身Chloe春夏白色新裝、MiuMiu鞋及JudithLeiber手袋行頭出現的傅明憲，透露現忙於處理愛護動物協會的事。
傅明憲說：「遲啲我哋個會會搞一個狗狗步行，又會協辦電影《極地雪犬》嘅首映禮，同埋因為早前有貓咪感染禽流感，我哋近期接咗好多電話，啲貓主為咗呢件事好擔心，仲想放棄養貓，我想喺度呼籲吓，呢啲都係個別事件，大家唔好恐慌性咁遺棄啲貓。」
阿B引賊入屋
此外，鍾鎮濤則指早年范姜送過一隻FranckMuller手錶給他，後來卻在家中不翼而飛。
鍾鎮濤說：「嗰晚我請咗大班朋友嚟我屋企，係邊個做，我都心中有數，不過我冇因為呢件事同嗰個人反面，咪以後唔請佢嚟我屋企囉。」
採訪：林妙萍
攝影：葉君海
