蘭桂坊度小周末<br>安仔早唞　樂基兒歎口水麵

蘭桂坊度小周末
安仔早唞　樂基兒歎口水麵

蒲吧三人組

講真呢排安仔就真係修身養性喇，出嚟蒲咁早走已經出奇啦，早兩日仲見安仔喺加多利山屋企同狼狗玩揼波仔，一人一狗玩到鬼咁開心，唔知隻狗嘅女主人係咪Sammi呢？
至於樂基兒，前晚就同一男一女去中環Volar消遣。樂基兒喺Volar玩到凌晨兩點鐘至走，跟住仲同朋友去附近間茶餐廳度同朋友消夜，雖然樂基兒叫咗碗麵，但胃口似乎麻麻，淨係一味顧住同隔籬個女性朋友傾偈，真係口水多過茶。
Textby關仁

樂基兒蒲到兩點都未願返屋企，仲去食埋消夜（圖），但係又掛住講。

安仔（左）蒲到十點零就走人，咁早就走，唔通趕住返屋企玩狗。

許志安日前返屋企，即刻同大狼狗一齊玩拋波波。