黃毓民噚日搵埋班fans，喺尖沙嘴某酒店講吓係咪搞「名嘴黨」。唔知係咪太耐冇開咪，毓民一揸住支咪就唔肯放，一講就講咗成粒鐘咁滯，仲講到鬼咁大聲，「毓民茶話會」喺二樓搞，但坐喺酒店大堂都可以好清楚聽到佢噏乜！如果毓民再講耐啲，分分鐘俾酒店勒令「封咪」！
唔少fans都來自民主倒董力量同前綫，毓民對佢哋都算有心，同佢哋解釋成粒鐘後，又逐圍枱再慢慢傾，話如果成功組黨，呢班人分分鐘全部入黨，齊齊做創黨黨員！不過毓民都好清醒，講明組黨係唔可以靠義工，因為義工講到底，都係「得閒先至幫你做工」，唔得閒就搵鬼睬你喇。
傳真︰2623-9278
電郵︰[email protected]