好多人討厭「Restaurant&Bar」，個心實諗餐廳就餐廳喇，酒吧就酒吧喇，「餐廳酒吧」算點先？入去開飯定劈酒先？咁諗就大錯特錯喇，至少「CoCoDuck」嘅扒，從來無話揸流攤。呢度啲扒好夠份量，一塊燒豬仔肋骨足有14安士重，大大碟兩個人都夠食。特級西冷仲勁，成16安士重，相信無幾多間酒吧可以搵到咯！加上間吧有Now，一有波睇多數全吧滿座，Order洋葱圈、炸手指魚柳薯條之類嘅佐酒小食最啱數。重有呀，酒吧設非吸煙區，鋸扒唔使捱二手煙，女友實唔會詐型啦！
CoCoDuck（American）Restaurant&Bar（23912774）
地址：太子太子道西141號長榮大廈地下
