汪明荃（阿姐）同李彩華等噚日喺北角出席《博愛歡樂傳萬家》拜神儀式，出名守時嘅阿姐噚日竟然遲到四十五分鐘，佢解釋係按通告時間到達，仲叫關仁唔好寫佢遲到㖭！仙杜拉一見到阿姐即刻好熱情咁攬住佢，阿姐話：「我感冒喎！」仙杜拉一於懶理，仲狂咀佢㖭！提到將紅館六月檔期讓畀關淑怡，阿姐話：「出年係我入行四十周年，所以申請明年嘅檔期。」
