關仁聽聞內地大導演今次冇拍御用愛將，反而用咗舊愛，愛將真係有啲唔開心，因為大導演籌拍呢部戲時，佢知道啲卡士好勁，當然唔想錯過，但呢個世界冇咁着數，佢𠵱家跟咗富豪第二代，又想搵番導演畀戲佢拍，當然冇行，而且電影公司都怕咗佢，因為佢好鍾意獅子開大口，之前佢有兩三個廣告傾緊，但佢開口就一百萬美金以上，點會唔嚇親廣告商？雖然愛將喺國際有知名度，但廣告商都要計埋佢嘅觀眾緣。