立法會噚日同政府踢咗場友誼波，煲呔嘅強政勵治估唔到要喺球場上先體現得到，政府隊最後以六比一狂數立會隊。有份主持開球禮嘅馬時亨就寸大嚿：咁肥轉身都轉唔郁啦。大嚿就窒番肥馬：鬼叫你哋成日請食飯咩！
政府隊喺警務處副處長鄧竟成、同特首新聞秘書陳羿領軍下，上半場已遙遙領先三球，立會隊如果唔係博到球十二碼，分分鐘破唔到蛋。有官員吹水話，今次贏咁多全靠冇高官落場踢咋！好似以前咁，林D9、藍鴻震呢啲屎波高官落場，差唔多次次都輸，換班新人就唔同晒。咁煲呔識做啦，唔好再容忍啲庸官喇，請番啲有能力嘅新仔落場啦！
傳真︰2623-9278
電郵︰[email protected]
