四月一日很多人都只會想起愚人節，但對於一眾香港Bape迷來說，今年的四月一日意義重大，因為當日是位於中環都爹利街、全港第一間BapeStore的開幕大典，該店由猿人之父NIGO與沈嘉偉的I.T合作經營。其實早於一九九九年，葛民輝曾與NIGO合作，在香港開設了abathingape在日本以外的第一間海外專門店BusyWorkShop，惜於○三年結束。香港演藝界的Bape迷包括葛民輝、李璨琛、錢嘉樂、Twins、古巨基、陳冠希、余文樂、麥浚龍、陳文媛、森美和小儀等，他們不時穿上Bape型格服飾，猿人熱因而擴散。撰文：李珮洳
森美小儀
森美：「我覺得佢哋好有頭腦，好識做生意，我好欣賞佢哋嘅做事方法，每樣貨品都好似做到限量咁，策略好到不得了。」
小儀：「i.t都會出我最鍾意嘅Bape，我都有去幫襯，但係啲嘢就舊過啲水貨舖，希望新舖返嘅貨可以新啲。」
古巨基
「呢個牌子嘅設計係將個猿人頭融入咗個logo度，我覺得呢個做法好獨特亦都好醒目，亦都係Bape嘅賣點之一。今次香港開專門店係一件好事，因為方便到一眾追捧者。」
陳冠希
「我同呢個品牌嘅老闆好熟，去到美國都會抽時間見吓面。呢個牌子嘅衫我幾鍾意，每次佢公司出咗新嘅限量版衫，都會留一套畀我，出邊有傳聞話我想同I.T爭呢個牌子嘅香港代理，根本冇呢件事，從來我都未同人爭過呢個品牌。」
錢嘉樂
「我鍾意呢個牌子係因為佢好啱我呢類style，我有一間房放滿晒白色tee，拎起手就着得出街。而且呢個brand好『生活』，任何產品都融入到生活入面，好似我有佢出嘅檯、香水同海綿。而NIGO都係同我一個年代，覺得Bape好接近我嘅態度。」
余文樂
「Bape嘅衫、褲、鞋我都有，當中我最欣賞佢嘅迷彩大褸，自己都有keep起。我都知Bape就快開專門店，但係開咗shop之後會唔會令個牌子冇咁矜貴，就好睇佢入貨啲quality同款式啦，有時間我都會落去睇吓。」
Juno
「我鍾意Bape出嘅衫夠晒colourful，另外佢出嘅cap帽亦都係我好鍾意嘅產品之一。至於迷彩褸都係Bape嘅出色產品之一，佢唔單止有迷彩一向有嘅綠色，就連紅色、紫色呢啲咁sharp嘅色佢都有，真係好啱年輕人。」
猿人進化史
潮流品牌ABathingApe（簡稱Bape）始創人為日本設計師長尾智明（NIGO），早年受到電影《猿人襲地球》（PlanetofTheApes）影響，於九三年創立了ABathingApe（日文的意思為猿人過着安逸生活）。《猿》片改編自法國作家PierreBoulle一九六三年的同名小說，○一年添布頓（TimBurton）亦曾重拍此片。
品牌創立至今於日本可謂無處不在，而Bape九九年開始以BusyWorkShop（BWS）為店名，於海外設立分店，又與多個品牌大玩crossover，成為潮人追捧的對象。
而Bape在港曾惹起一段小風波，○○年七月NIGO因在港被的士司機欺騙車資，他曾推出了一款印上「BYTAXIINHONGKONGFROMAIRPORTTOCAUSEWAYBAYHK$300-$4000」標語的T恤，忠告日本同胞，指香港的士濫收車資，由機場到銅鑼灣高達四千元車資，因事件令香港的形象受損，曾引來的士業界的極大回響，當時五百名的士權益協會會員更走到日本領事館抗議，並遞交請願信要求日領事徹查事件，最後NIGO要發出聲明兼將停產這款T恤。
