化妝狂迷：戀妝狂鄭融化人不如化自己

囗着你有得發歌星夢點會唔發？奇就奇在鄭融發嘅從來都唔係歌星夢，但唔經唔覺都已經出咗三張專輯；不過佢心願未了嘅夢想，竟然係做化妝師！入行經過都係因為參加化妝課程，之後當唔成化妝師反而做咗歌手。今勻搵佢嚟推介心水妝物，Stephanie壓抑多時的戀妝狂熱終於一下子爆發！
記者：吳小明
攝影：黃子偉
Hair：HeibieMok@HairCulture
TouchUp：Mandy@Lola

食住荷李活的藝伎熱，鬼妹仔Stephanie以大地回春的青綠色為主題，化這個帶有東洋味的清淡日妝，配合一向喜愛的日牌BabyJane和風圖案Top，無論是技巧及時裝觸覺方面都相當OK。

化綠眼：Stephanie話打底過程省略，因為早喺Set頭時候上好，一去到LolaCounter就揀綠色眼影為重點顏色，四周有人圍觀佢都唔理。

畫唇線：為讓嘴唇輪廓更分明，鄭融先以淡粉紅色的LipPencil勾劃好唇形，近兩季化妝潮流都興番唇形明確，可見Stephanie對化妝趨勢都追得幾貼。

塗唇膏：話明興飽滿嘴，當然要搽唇膏，單用LipGloss唔夠㗎。

出晒名以透薄粉底響朵嘅荷李活化妝品牌Lola，其化妝色系亦一點不弱，單以Stephanie這個Geisha綠眼妝都十分「出」色就可知一二。Lola這批最新妝物，不單止用色有東洋味，連命名也充滿日本文化色彩，如Geisha、Sake、Wasabi等。

■唇/胭脂兩用筆可用於面上不同位置，省卻攜帶太多化妝品嘅麻煩，鄭融今次就作為唇筆使用。$210

■LiquidFoundation夠薄夠貼，鄭融本身膚色較深，一向用開Sand色。$320

■新季的雙色眼影，採用一種名為「三倍研磨」技術（Triple-Milled），質感更滑。Wine/Wasabi色$230

■GeishaGlow三色HighlightingPowder是今季新出品，Stephanie對佢讚不絕口，三種色系分別為淡粉紅的CottonPower，有助令皮膚白裏透紅；淡棕色的RicePowder可以減輕眼腫；橘紅色（LightCoral）GreenTeaPowder，重有綠茶成份幫助抗氧化對付游離基㖭。$450

唔係代言人身份，鄭融都願意抽空現身推介Lola產品，仲要係長期用家，佢嘅必備Lola妝物，據佢講係BestoftheBest，好，又聽吓佢點講。

■PressedPowder薄到震，完全無粉迹斑斑感覺，但臉色又會靚咗，補妝必用。$300

■結合潤膚及亮澤效果嘅BodyOil，出騷用最啱，用開DivaGold色。$400

■鄭融話自己咁鍾意化妝，隨身一定要有化妝品，但胭脂眼影一大堆又要帶埋化妝掃好煩，一支筆過就最方便又慳位。ShimmerLip/EyePencil　$190

■呢Set輕便迷你魔術化妝掃最啱出Trip用，特設一支可拆除加長手柄，可以套上任何一款掃上使用，又慳位又聰明嘅設計。$590

出道只有4年多嘅Lola，進駐香港更加一年都無，但係來頭好勁，成班荷李活靚星都係擁躉，最巴閉嘅一役是試過有隻唇色俾SarahJessicaParker買到斷貨，跟住大把追星少女爭住排隊買嗰隻色，都咪話唔犀利。

■日本雜誌《Maquia》都寫過GwynethPaltrow、SarahJessicaParker等是Lola擁躉。