因拖欠工人薪酬而被房委會接管地盤嘅德信建築，除面對債主臨門，向法庭申請清盤外，母公司德信集團亦因為咁而有董事嗌走人。德信集團原本噚日公布中期業績，但就發出通告，話有三名董事已經辭職，包括非執行董事梁子正，同埋兩名獨立非執行董事劉世忠及毛偉斌。
佢哋喺辭職信中話，由於公司方面收到嘅資料不足，不足以對公司財務狀況作出判斷，而且佢哋曾經提出嘅多項要求，但公司方面進展緩慢，包括要求公司盡快落實出售非核心資產，加快追收應收欠款，以及加快清繳未付嘅強積金供款。因此佢哋認為未能揹飛，履行作為董事嘅職責，所以劈炮唔撈。事到如今，其實最慘都係冇糧出嘅工人。
傳真︰2623-9278
電郵︰[email protected]