賭王何鴻燊及四姨太梁安琪、財政司司長唐英年等，前晚在金鐘港麗酒店出席香港紡織商會第五屆會董就職典禮，賭王六時五十分由保鑣陪同下抵達，甫到場即坐下喝茶，但不夠十分鐘就離開，四姨太梁安琪則於賭王離開後才出現。
問賭王早前其胞妹十姑娘何婉琪因他的「叫佢去青山吹風」言論告他誹謗，賭王前晚輕鬆說：「佢（指十姑娘）邊有本事（告）？使乜驚佢呀？當佢冇到呀。」
讚李安華人之光
此外，以前常護賭王身邊的保鑣「大隻金」現在不見蹤影，有指是賭王不滿「大隻金」沉迷拍拖，賭王就此解釋說：「佢係退咗休，我點會唔准佢拍拖，呢啲係佢嘅自由。」而李安憑電影《斷背山》勇奪奧斯卡最佳導演殊榮，賭王說：「佢係華人嘅光榮。」但當得知《斷》片以同性戀作題材時，賭王則說：「咁就唔啱我睇囉。」
採訪：JessicaNgan
攝影：ChenWaiOn
