中國當代小說家白先勇，一向都好熱心推動文化藝術，今年佢就會同蘇州崑劇院合作，喺今年四月中開始，巡迴去北京大學、中國傳媒大學、天津大學以及加拿大卑詩省大學，演出《牡丹亭》一劇，希望藉住呢次合作，可以令年輕嘅崑劇演員有更多實習機會。嘩，走勻中國同海外，真係好落力。
噚日白教授就聯同「何鴻毅家族基金會」嘅何鴻毅先生、文化部部長助理丁偉以及北京大學副校長張國有等人，喺北京大學舉行記者會，講番今次活動嘅詳情。
原來崑劇已經被聯合國教科文組織，列為「人類口述和非物質遺產代表作」嘅文化遺產。咁矜貴，真係要靠白教授多多推動先至得。
傳真︰2623-9278
電郵︰[email protected]