以博物館、歷史建築物為旅遊景點唔奇，但火葬場、殮房、墳場都成為旅遊景點你又聽過未？一則「領錯遺體燒錯屍」嘅報紙頭條，令全城人立刻對遺體火化掀起關注。適逢有個名為「後顧無憂自由行」的「死亡之旅」首度成團出發，帶一班公公婆婆見識身後事安排，令他們了解死後行程之餘，亦鼓勵他們以正面、輕鬆態度面對死亡。
記者：許維雅
攝影：何家亮
Model：Kim&Stephaine
聖雅各福群會由04年9月已開始幫一些無親無故、領取綜援的老人家安排身後事，今年更接受非綜援人士申請。為了令老人家對身後事有所認識，佢哋更發起旅行團，行程安排早上九時出發，下午四時回程，參觀文武廟、九龍醫院、火葬場、骨灰紀念公園、圓玄學院等，仲有得食，節目豐富。
Shopping逛長生店購棺
自由行其中一站是到棺材店參觀不同類型的棺木，一副棺木就等如一張靚床，價錢由幾千至幾萬蚊不等，款式、大細任君選擇。通常幾千元的棺木用普通木材製，床櫳簡簡單單一層薄絲，適合火葬用。幾萬元棺木就用上靚實木，棺木及床櫳多是西式款。
公壽中西殯儀（25467183）
買壽衣要揀閏月
旅行團亦會帶人買衫，因為先人入棺前都會着壽衣，不同款式不同件數都有不同價錢，每套由$1,500至$16,800不等，男士要有雙數6至12件，女士單數7至13件，春夏秋冬內外衣褲有齊。正所謂「天增歲月人添壽」，農曆閏月便是最佳時間買壽衣。
梁津煥記有限公司（25405455）
Sightseeing目擊最後一程
自由行亦會帶團友直擊死者由出院至火化的過程，好讓團友對死後儀式有心理準備。所謂「院出」，即直接由醫院到火葬場而不經殯儀館，是儀式中最經濟的一種。
過程
Eating邊食邊揀位
中午時分，旅行團會到圓玄學院食齋菜，5餸1湯連飯和粥，更可順道參觀院內放灰位。揀一個靚位如揀一層靚樓，皆因不同位置價錢不同，更可有天淵之別的差價。
團友玩後感
「後顧無憂」規劃服務
1.參加人士必須沒有子女，或子女已經身在海外，無家人幫手辦身後事。
2.以往聖雅各會代接受綜援老人家去政府領取$10,300援助金辦後事，今個月起，亦接受非綜援人士申請。
3.出殯儀式共分5類型：院出、基督教及天主教、佛教、道教、冇宗教信仰，收費另議。
聖雅各福群會「後顧無憂」自由行
每團名額：約30人
費用：約$90
下次出團日期：預計3月尾
電話：28313232
地址：灣仔石水渠街85號9樓901室
網址： http://www.sjs.org.hk
