新聞處處長蔡瑩璧下周三（十五號）調去工商局做王永平嘅常秘，噚晚就喺山光道馬會同班老總話別，蔡小姐當年臨危受命，空降去新聞處接「肥陳」陳鎮源個燙手山芋，一人做兩份工，因為要兼埋做特首辦發言人，唔怪得佢做到成日喊。
Yvonne（蔡小姐英文名）仲記得第一日上班，見到歷屆新聞處長嘅任期，當中以陳祖澤最短，只有一年多，佢諗如果自己做長過佢少少，已經好唔錯，結果一做做咗四年，服侍過兩個特首，其間真係風風雨雨，有六個高官先後落台，包括老董、葉劉、阿松、小強、玩光同埋詩姐姐。
蔡小姐話走話咗好耐，不過佢嘅接班人邱騰華因為李國章未肯放人，所以未知幾時到位，惟有叫副處長Juliana陳捱義氣頂住啦。
傳真︰2623-9278
電郵︰pf_lee@appledaily.com