李珊珊日前被本報拍到與觀音兵、有線主播衞志豪一同睇波，昨日二人在中環出席纖體公司記者會。是非纏身的珊珊最近被指與男友錢嘉樂結不成婚瀕臨甩拖後，又被傳為情自殺，最近更被指身形腫脹似懷孕，藉此綁實男友等。
與嘉樂同床
珊珊說：「我哋真係未考慮結婚，現階段我哋相處好開心，唔想有乜改變，唔結婚唔代表要分手，希望大家祝福我哋。」她自言近日身形暴脹與纖體公司無關，她說：「九八年我拍完《烈火雄心》俾山泥活埋嘅戲份之後，每逢入秋就會出濕疹，好痕，尤其大髀內側，我睇西醫食類固醇控制住，不過一食藥就水腫，一直未好番，所以冬天我就唔可以做纖體療程。」
問珊珊出疹時會否與錢嘉樂分房瞓？她說︰「雖然大家同床……講錯㖭，總之佢皮膚好好啦！」
採訪、攝影：王崇穎
