阿雄：「好似俾人剝晒衫」
「睇到自己個名、身份證號碼、地址喺個公開網站，真係好嬲，冇晒私癮，好似俾人剝晒衫咁！」阿雄兩年前不滿警員向他索閱身份證時態度惡劣，遂向警察投訴課投訴，事後警方承諾會提醒警員注意態度。他以為事件已告終，但昨日發現投訴時給予警方的資料全被公開，「警方都信唔過，市民有事搵邊個？」
「唔擔心嗰差人會尋仇。」他反而擔心資料會被不法之徒利用，「因為網上銀行、電話理財或者信用卡購物，都係用人名、身份證號碼嚟證實。」他說幸好已搬屋，「其他投訴人仲慘，屋企地址公開埋，容乜易有人上門白撞？」
黃女士：「以後邊個敢投訴」
對電腦一竅不通的黃女士，對自己在Ｏ四年投訴警察的資料外洩感到愕然，「好彩唔係投訴涉及黑社會嘅資料，如果唔係，容乜易俾人上門尋仇㗎？」家住蘇屋邨的黃女士，去年帶女兒到明愛醫院看急症，市民不滿輪候時間過長而鼓譟，豈料一名軍裝警員態度輕佻說：「唔等得咪睇私家醫生，唔鍾意可以投訴我。」黃女士其後向投訴警察課投訴，案件經已完結，但她沒料到個人資料會被外洩，「咁搞法，以後仲邊有人敢投訴？」
阿倫：「一定會追究到底」
家住彩雲邨的阿倫昨晚對記者登門問及投訴警方的資料深感驚訝，「我一定會追究到底，有乜理由會咁做？」他表示，曾因「俾差人打」而向投訴警察課投訴，以為事件早告一段落，怎料資料竟在網上流通。「我平時好少上網，都唔清楚點解會搞成咁，總之警監會就好唔啱啦！」
家住樂華邨的陳先生昨也對自己投訴警察資料外洩相當擔心，投訴警察的內容他不願多談，但他希望警方盡快調查事件，「我都有信心，警察好快會拉到人。」
紫藤：「會上門騷擾報復」
協助性工作者的組織紫藤發言人林依玲對有投訴警察的市民的個人資料外洩大為震驚：「好多投訴過警察嘅性工作者都極之擔心，當警察知道呢啲資料後，會上門騷擾報復！」她表示，面對警察濫權，許多性工作者為怕招來報復，多忍氣吞聲，她們要鼓起極大勇氣，克服重重壓力，才能挺身作出投訴。她說，警監會對市民的投訴沒直接調查權，已令人感到這機構有如「冇牙老虎」，保障不到投訴人的權益，「𠵱家連保護投訴人資料都咁唔小心，重叫受害人點會有信心？」
女長毛：「呢啲全部係私隱」
「我真係好擔心地址外洩之後，會有人上門恐嚇。」女長毛雷玉蓮在九九至○四年間，最少十六次向投訴警察課作出投訴，網頁上詳細披露了她的年齡、地址、身份證號碼等個人資料。女長毛說：「呢啲全部係我私隱，警監會有乜理由連咁重要嘅資料都保唔住？」
女長毛現時極度擔心有跟她意見不同的市民，取得她的地址後登門對她作恐嚇。另一示威常客男長毛梁國雄議員則對事件處之泰然：「我做議員乜都公開晒啦，有乜所謂。」民運人士劉山青的個人資料也因而被披露，「我最擔心係有不法之徒用呢啲資料申請信用卡，同做其他不法勾當。」他今天會到警察總部抗議。
林先生：「懷疑係黑客入侵」
林先生幾年前發生交通意外，意外涉及的另一方是警務人員，對方向他索取身份證號碼等資料，他認為不合理，於是向投訴警察課投訴，警方完成調查後，向林先生表示會作內部處理，林先生再無追究。對於今次個人資料被洩露，林先生昨晚表示：「好離譜，唔能夠相信會發生咁嘅事，我懷疑係黑客貪玩入侵電腦，發放資料出去，我諗政府唔會隨便洩露呢啲資料，但我就唔擔心會被報復，亦唔會考慮追究，相信有關方面會查個水落石出。」
