煲呔由京返港，匿喺禮賓府偷笑，手都唔想洗，今次真係執到，雖然冇講「我挺曾」，但係都夠照。
既然心情靚，做乜都開心啲，噚日下晝煲呔喺政府總部頒長期服務獎畀AO時就非常醒神，一份工做咗二、三十年又的確抵攞獎，你估邊個得獎？咪最近言論惹火嘅羅范椒芬（圖），原來羅太七五年大學畢業後就考入政府做EO（行政主任），七七年先加入AO隊伍，咁忠心，唔怪得煲呔處處維護佢啦。另外兩個服務咗三十年嘅有曹萬泰同黃珍妮，二十年有馮永業同袁民忠。
煲呔順便同啲新人傾吓偈、揀吓蟀，聽講佢對新仔都好滿意，話佢哋都好健談、唔怕醜喎。
傳真︰2623-9278
電郵︰[email protected]