唔使講嘢，不論係咪RPG忠實Fans，基本上都一定玩過《FF》系列，唔計玩Online嘅《FFXI》，新作等足幾年肯定餓壞機迷，一出肯定賣個滿堂紅，火上加油嘅，係日本權威雜誌《Fami通》編輯部試玩過後，畀足40分嘅滿分評價！
記者：徐影龍
目前史上只有6款Game攞過滿分殊榮，任天堂獨佔其三，對上一隻係《任天狗》，今次《FFXII》為PS2陣營再下一城，實令機迷期待！據SCEH講，《FFXII》準時下周四派貨，而某Game舖老闆更透露，有機早一日即係3月15日下晝見街，心急機迷真係要昅實！暫未知《FFXII》＋PS2主機同梱版會否有行貨，不過水貨商就話會有小量貨到港，雖同梱版非限量，不過市價仍高達二千以上，對Fans講唔貴喇。