章子怡之前俾鄧達智批評佢出席奧斯卡頒獎禮時，着嗰套黑白裙老咗二十年。不過章子怡都唔係成日俾人批評嘅，最近佢俾日本雜誌《花花公子》選為亞洲百大美女之首，贏咗主演《失樂園》嘅黑木瞳，林志玲都入咗百大之列。 另外，章子怡噚日透過官方網站發表聲明，話對於有人喺市面上出版一些稱為章子怡嘅傳記同寫真集照片，就表示從未授權有關人士出版，現正保留法律追究權利。