張衞健、徐小明同麥當傑等人，日前一齊出席香港電視專業人員協會嘅周年大會，協會一向都積極爭取成立援急基金，幫助有需要人士解決燃眉之急，經過多方努力，去年年尾終於搞得成，會長徐小明、副會長張衞健同佢弟弟分別捐出十萬元。不過健仔就好謙咁話自己捐嘅只係小數目，佢係希望可以起到拋磚引玉嘅作用咁話。