側田前晚在銅鑼灣酒吧出席威士忌品牌舉辦的活動，fans對他非常熱情，除上台向他獻吻外，又問他何時失身等私人問題。其後側田即興調酒，竟一時甩手，弄致滿身濕透。
新人王側田前晚在銅鑼灣一酒吧出席威士忌品牌活動，與fans大玩遊戲。縱然未夠三十歲的側田早前被雜誌拍下M字額的照片，但無損fans對他的鍾愛，上台玩遊戲的女fans更主動吻側田的面珠，簡真羨煞旁人。其後，側田又示範調酒技巧，不過卻甩手，弄致滿身衣衫盡濕，相當狼狽。
活動上，側田fans先後問他「你的胸部有幾多吋？」、「幾歲失身？」及「有否試過飲醉酒？」等問題，側田回答首條問題時手掩心口，然後說：「吓？乜話？男人老狗點會自己度，我唔知！」當問到側田何時失身時，全場起哄，不過他支吾以對，𠲖𠲖哦哦地說四十五歲。
「唔通推開人哋咩」
事後問側田為何不直接回答何時失身，他說：「其實唔尷尬，不過呢啲私人問題，所以唔答啫。」提到他魅力沒法擋，令現場女fans主動向他獻吻，側田即笑說：「係呀，暈晒大浪，我未試過同啲fans咁近距離接觸，佢哋好熱情。」問到可有覺得fans此舉十分突然？側田卻顯得非常受落地說：「係突然，但好冧。唔通人哋要錫我，我推開人哋咩？如果係男人就會推開。」
採訪：卓寶花 攝影：陳俊強
