莫文蔚最近成為內地時尚雜誌封面女郎，以瀟灑個性演繹名牌SalvatoreFerragamo春裝，她透露養成獨立的性格，全賴其母自小訓練她靠自己解决問題、自訂目標追求滿足感。莫文蔚希望將來繼續挑戰自己，如執導電影、或女扮男裝拍古裝片等。
莫文蔚（Karen）可說是娛樂圈中最勤力女星之一，工作量極多，由拍電影、出唱片、寫真集，到與大小品牌合作，近期她忙完美國百老匯音樂劇《吉屋出租》，猶如女鐵人般堅強、自信，更樂於挑戰自我。
堅拒跟風
早前Karen成為內地時尚雜誌《WFD國際服裝動態》三月號封面女郎，穿上意國名牌SalvatoreFerragamo春裝的她半躺地上，又分腿彎腰，型格中顯嫵媚。Karen直認是有性格的人，她說：「我先唔會做大家一窩蜂去做嘅事，要有性格嘛！」
養成獨立性格與其母莫何敏儀自小教育有莫大關連，Karen說：「我覺得佢係一個makesense嘅媽咪，唔係傳統同現代嘅分別，而係從小就教我思考問題嘅方法，教識我遇到問題時，要自己解決，唔好依靠其他人。
「人生目標同工作滿足感，都係要靠自己尋找，唔係坐喺度等人畀你。我係一個好有目標嘅人，由細到大，每達到一個目標，就會諗下一個新嘅（目標）畀自己，達到目標嘅滿足感好似中咗彩票咁。」
盼拍古裝
談到將來，Karen希望能一手策劃及製作一部電影，或炮製一張最愛的Jazz大碟，她說：「我想喺拍戲時試吓做古裝，尤其係女扮男裝，因為我個樣太西化，從來冇人搵我做呢類角色。」至於結婚生仔，Karen表示將來要抽時間親自照顧孩子，加上長於快樂家庭，她並不急於成家立室。
撰文：DebbieLum