唐寧與緋聞男女方力申和鄧麗欣（Stephy）合演新片，飾演Stephy的麻雀腳。她直言Stephy和方力申拍戲時默契十足，雖然唐寧也試過被緋聞纏身，但就笑言毋須跟Stephy分享經驗，事關對方處理緋聞比她還了得。
唐寧在新片《獨家試愛》中飾演鄧麗欣的好姊妹兼麻雀腳，職業是卡拉OK服務生，與鄧麗欣有多場對手戲。對於Stephy與該片男主角方力申大鬧緋聞，唐寧直指方、鄧工作時的確很合拍。
唐寧日前在電話中說：「佢哋成日一齊唱歌，一齊拍嘢，拍戲係有一定默契，佢哋兩個都好勤力呀。」問唐寧可曾在片場中見到這對緋聞男女「伊揖」？她即笑說：「梗係冇啦，工作環境點可能伊揖呀？我覺得佢哋只係好好嘅拍檔，唔係好似報道所講嘅地下情。」
緋聞催人成長
唐寧與Stephy年前在劇集《戀愛自由式》中結戲緣，今次再度合作，唐寧認為Stephy長大了，甚至在演技及待人接物上也更成熟，問唐寧會否覺得緋聞催人成長？她也直認說：「係㗎，冇法啦，呢行係咁，都要面對，但人哋睇完就算，唔通記一世咩？喺成個演戲生涯裏面有咁多新聞，邊記得晒吖？係鍾意睇嗰個人嘅就唔會介意啲新聞，識得分邊啲係真假。」
以前唐寧也曾跟吳卓羲和黃宗澤傳過緋聞，未知她可有與Stephy分享處理緋聞的經驗？唐寧笑道：「唔使，佢比我更叻，因為歌星有呢啲新聞嘅機會比較多。」
採訪：朱倬誼 攝影：仇志德
服裝：Zucca、D&G
