李靜、高禮澤又再出場合作，今次佢嘅對手係「8號仔」同「黑廚神」？唔使大驚小怪，只係九倉電訊搵咗佢哋兩個做表演嘉賓，比喻九倉電訊同系內公司COL合併後的優勢。
九倉電訊主席吳天海仲話，以前單打獨鬥，𠵱家兩個就可以雙劍合璧，日後會專注發展商業電訊市場，加強功力同對手打過。為隆重其事，仲選喺中環四季酒店搞記者招待會。
搵得「孖寶」嚟自然要表演下（圖），佢哋亦好合作，分別着住九倉電訊同COL標誌嘅T恤打波，咁對手「8號仔」同「黑廚神」係邊個？大股東都係姓李，自己估吓啦。咁樣做Show，賽果唔使估啦，仲係大比數贏嗰隻。海哥喺比賽完之後，每人頒咗一個金牌俾「孖寶」，華華就好想知係咪真金做。