呢排天氣好潮濕，茶葉若果保存得唔好，吸水受潮，輕者失香，重者變霉。有好多靚太以為將受潮嘅茶葉放喺陽光下暴曬，曬乾咗就乜事都無，儍啦！陽光中嘅紫外線會破壞茶葉中嘅各種成份，影響茶葉嘅外形同色、香、味。正確嘅方法係將受潮嘅茶葉放喺乾淨嘅鐵鍋或者烘爐中，用微火低溫烘烤，邊烤邊翻動茶葉，直至茶葉發出香味，簡簡單單又妙手回春喇！
