【本報訊】被視為政府盟友的民建聯，反對在添馬艦興建政府總部，令添馬艦發展計劃受到阻撓，地產建設商會會長何鴻燊昨天替政府撐腰，強調添馬艦計劃為建築業界帶來商機，不點名批民建聯非地產商，不理解箇中好處。
地產商支持可帶來商機
何鴻燊昨天出席一公開場合時稱，地產建設商會一直支持在添馬艦興建政府總部，他又引述不少地產及商界代表均支持添馬艦計劃。
被問及民建聯反對添馬艦發展計劃，何鴻燊直指，「𠵱家香港有乜嘢無人反對吖；佢（民建聯）根本都唔係地產商」，強調「我哋商會對土地嚟講，就最大權威，（加上）所有大孖沙都同意，咁（計劃）係啱㗎啦。對建設商又可以帶挈到，因為呢輪都無乜大建築，如果搬去嗰度，可以幫襯到好多則師同建築商，商會立場就認為係好。」
何更力撐政府指，「（反對）咁對香港有乜利？樣樣都話反對，唔好嘅，𠵱家個政府咁好，好難搵得番，應該大家安安樂樂，支持政府」，又指在政改及西九計劃失敗後，「（政府）呢一單一定要成功」。
民建聯重申公眾為依歸
民建聯黨團召集人劉江華重申，該黨從來沒有以地產商的角度出發，一切只以市民及公眾利益為依歸，至今他們仍認為，在東南九龍興建政府總部才最符合公眾利益。