利嘉兒與港台高層夫婿周國豐日前到了北海道旅行，是小夫妻首次到冰天雪地遊玩，二人看到白雪時都十分興奮，更童心未泯執起地上的雪互掟嬉戲，度過甜蜜的開心假期。
利嘉兒、周國豐去年十一月結婚，新婚生活十分甜蜜，周國豐有見太太拍攝無綫劇集時經常捱更抵夜，於是趁她完成拍攝工作後，即一同到北海道旅行充電，短短幾天吃喝玩樂，齊齊增磅回港。
狂食長腳蟹
婚前一起到過不少地方旅行的利嘉兒和周國豐，還是首次到北海道遊玩，利嘉兒日前在電話中說：「呢次係我哋兩公婆第一次去咁凍嘅地方，成零下十度，最開心係喺札榥街頭玩雪，我哋隨街執起啲雪互掟，好搞笑又好玩。」為怕愛妻冷病，周國豐還不時把利嘉兒肉緊擁入懷中，令她倍感溫暖。
一向對日本美食情有獨鍾的利嘉兒，當然不忘四出搜尋，她說：「我去咗小樽玩，一向知道嗰度嘅壽司又新鮮又美味，我哋專登去食，果然名不虛傳。北海道嘅長腳蟹好有名，我同老公狂食，仲食到個嘴都損晒㖭！」
因為行程焦點集中在吃喝玩樂，所以利嘉兒夫婦雙雙增磅而回，她說：「我喺日本食大咗個胃口，圓潤咗唔少，得閒都要keep番吓先得。」
採訪：比華利
