杜琪峯執導，古天樂、任達華、王天林、林家棟、林雪及張兆輝等主演的電影《黑社會以和為貴》，成為第三十屆香港國際電影節的開幕電影。大會率先播放電影片段，其中古天樂殺人後碎屍一幕最驚心動魄。
古天樂、任達華、王天林和林雪等昨日出席香港國際電影節記者會，現場播放電影《黑社會以和為貴》的片段，包括上集被任達華滅口的梁家輝與邵美琪的骸骨，以及古天樂鋸屍後滿身鮮血的冷血表情，充滿血腥暴力。
古天樂說：「我拍嗰陣都覺得好血腥，但事後睇番片又覺得唔係咁血腥，嗰場戲講我一身血，其實係我同鄭浩南一齊碎屍，鄭浩南負責鋸，我就負責用腳踩住條屍，我當時好驚㗎，因為我驚佢唔小心鋸到我隻腳。」
奧斯卡搞搞震
對於李安失意奧斯卡最佳電影耿耿於懷，杜琪峯就力撐李安說：「當年《狂牛》（RagingBull、馬田史高西斯（MartinScorsese）執導）同《普通人》（OrdinaryPeople、羅拔烈福（RobertRedford）執導）兩部戲爭最佳電影，《狂牛》攞唔到係奧斯卡搞搞震，冇所謂啦！作為華人攞到最高榮譽，證明佢係一流，得唔得最佳電影已經唔重要。」
大聲唔等於鬧
而有報道指導演杜琪峯在片場罵吳鎮宇演技差，阿杜說：「鎮宇演戲冇得頂，我唔係鬧佢，唔好挑撥離間。」他強調說話大聲及講粗口都只是一個表達方式。
採訪：魯萍
攝影：葉君海
