《櫻大戰1&2》送Saturn匙扣

《櫻大戰1&2》送Saturn匙扣

幾乎每年嘅春天,踏入日本櫻花盛開嘅季節,都見到《櫻大戰》嘅作品登場。今年都唔例外,喺PSP上將《櫻大戰》嘅1、2集合輯推出,港版行貨價$299,玩齊兩集已經相當之抵,跟機仲學《頭文字D》咁以透明盒包裝,再送多條日本SEGAD-Direct限定嘅Saturn+帝擊匙扣,令機迷懷舊之情瞬即湧現!就算如筆者般「斬斷情絲」唔再為佢着迷,今次仍禁不住向DreamStore訂貨!

據官方公布,PSP版喺劇情上及LIPS系統上冇乜改動,甚至爆機後出現嘅「帝劇漫長的一天」亦照搬如儀,不過遊戲畫面就改為Fit番PSP嘅16:9闊屏,而合體必殺技及友情協力技仍有所改動,唔再係見到熟口熟面嘅招式。
雖然明知冇乜可能,不過仍期望能在PSP上能見到《櫻大戰》全面中文化登場。

記者:徐影龍

■跟Game附送限定Saturn匙扣,相當之懷舊。