重有個幾月就到復活節啦！諗咗去邊度旅行未？去日本睇櫻花？去夏威夷陽光與海灘？抑或要到歐洲Shopping掃貨？若想貪心啲一次過去晒咁多個地方？無問題！因為沙田新城巿廣場搞咗個「SensesofTravel」展覽，將旅行社集中晒喺二樓，商場即時變身夏威夷、日本、意大利、澳洲等四個旅遊熱點，俾你先用眼睛去旅行！
記者：曾靜茵
攝影：何家亮、陳盛臣
Model：Vicky（Salvador）、Bianca
商場變豪華客機
一上到新城巿廣場，即時覺得去咗機場，仲唔覺意上咗飛機㖭！因為位於廣場嘅羅馬獻技場經已化身成為停機坪，當你乘搭扶手電梯嘅時候就好似登上一架豪華客機，「準備」帶你環遊世界，任你想去邊就去邊！因為喺二樓嘅TravelStreet內，集合咗13間大型旅行社，只要花幾分鐘兜個圈就可以一次過盡覽各地嘅旅遊資料，重可以順便格吓價，睇中邊團至抵先報名！
集齊視、聽、嗅覺
話明未出發先興奮！咁當然就唔少得有視覺、聽覺甚至嗅覺嘅享受，你可透過場內擁有不同感官元素嘅立體展覽，以最快嘅速度「環遊世界」，為你暫時趕走春季嘅悶氣。首先在夏威夷布置中，雖未可接觸到真真正正嘅陽光與海灘，但可先感受到當地柔和的風聲與醉人嘅浪濤聲；然後行過幾步，便可走到滿布袋鼠嘅澳洲，親身呼吸一下薰衣草嘅香氣；再過另一邊，你便立即踏入充滿哥德式建築嘅威尼斯，細聽意式音樂；最後便回到亞洲，到日本會古廟嘅恬靜，細看日本嘅風情文俗介紹。
第一站：夏威夷
先去夏威夷，除咗感受吓陽光與海灘之外，當然唔少得要跳番Part草裙舞啦！
第二站：澳洲
跟手就到澳洲探吓啲袋鼠，你睇佢哋幾得意！
第三站：意大利
話咁快我哋就到咗意大利，你睇周圍嘅哥德式建築幾宏偉。
第四站：日本
去咗咁多個地方，當然要到日本浸溫泉，揼吓骨Relax吓!
領隊推薦旅遊熱點
只係用咗5分鐘去環遊世界，當然就唔夠喉啦，不過就咁行一轉就足以勾起你去旅行嘅慾望。未諗到去邊？唔緊要，東瀛遊嘅領隊Patrick就介紹幾個三、四月至Hit嘅旅遊熱點。「三月下旬開始，就係日本盛放櫻花嘅季節，首先便從九州開始一直伸延至北海道，所以在四月嘅復活節期間，你可以選擇到東京、大阪及仙台等地。若想要陽光與海灘，亦不妨選擇曼谷、芭堤雅或浮羅交怡等地，喜歡Shopping嘅朋友，可以選擇有自由活動嘅團，有些團更包括全日Pass，可以無限次乘搭列車、掃盡唔同嘅購物中心。」
假期去邊好？
消費滿$5,000送PassportHolder
去旅行，無番咁上下裝備又點得，所以由即日至20日期間，凡喺場內嘅旅行社消費滿港幣5,000或以上，就可以到商場一期四樓嘅顧客服務中心，免費換領PassportHolder乙個，數量有限，唔快啲報團就好快俾人換晒㗎啦！
SensesofTravel活動
日期：即日至3月20日
地點：沙田新城巿廣場二樓
查詢電話：26849175
網址：www.newtownplaza.com.hk