歐陽震華（Bobby）昨日戴上假肚腩為新劇試造型，與倒模裝胸的楊怡大搶風頭，他除了造型突出之外亦語出驚人，先指宣萱食防潮珠保青春，最震撼是竟敢大爆師兄苗僑偉曾經整容，Bobby說：「佢以前拍《楚留香》嗰時單眼皮嘅。」
歐陽震華、宣萱、苗僑偉、黃宗澤和楊怡等人昨日在將軍澳電視廣播城，為新劇《賭場風雲》試造型。Bobby的大肚不修邊幅造型、楊怡的大胸性感尤物Look及黃宗澤的長髮隱閉青年打扮最為突出，搶盡風頭。戴上假肚後的Bobby腰圍馬上由原來三十四吋激增至四十吋，他表示會再自行增肥十磅飾演一名爛賭鬼。
宣萱避尷尬
《賭》劇是Bobby和宣萱自《洗冤錄》後再合作，Bobby一見面就大讚對方愈來愈漂亮，Bobby說：「幾年個樣都冇變，你係咪食防潮珠㗎？」宣萱就反問Bobby：「三哥（苗僑偉）個樣夠幾十年不變，咁佢食咩㗎？」Bobby竟然衝口而出暗示苗僑偉割雙眼皮，Bobby說：「三哥直情係將部抽濕機長期擺喺床頭啦，佢以前拍《楚留香》嗰時單眼皮嘅。」宣萱連忙說：「你講啲咁嘅嘢，我走先啦。」Bobby惟有將話題轉到楊怡身上，他說：「楊怡個胸同我個肚同一日倒模㗎。」
為角色穿耳
苗僑偉就表示已經二十年未有同Bobby合作，他說：「以前拍《決戰玄武門》佢做我細佬㗎。我今次做賭場話事人，特登喺左耳貼上隻鑽石耳環，不過之後可能會去穿耳。」
楊怡則表示由於要演性感尤物，所以已預先加了兩對胸墊，讓身材看來玲瓏浮凸，連好友黃宗澤亦不禁說：「從未見過楊怡咁大……個女，我都唔敢望。」
採訪：卓美娟 攝影：葉君海
