港島南鴨利洲公屋利東邨自農曆新年後，鹹水供應斷斷續續，影響居民日常生活，須以食水代為沖廁，浪費食水。水務署現正跟進調查，並已在鹹水錶前加裝水壓記錄器，收集數據分析，找出原因。
加裝水壓器監控
利東邨居民郭先生向本報投訴，指東昌樓經常冇鹹水，供應又斷斷續續，居民需用食水沖廁，十分浪費。「農曆新年前已經試過時有時冇，點知新年後仲嚴重咗，隔幾日就冇，就算有都斷斷續續，水流好弱，根本都沖唔到廁所，都係要自己用食水沖。」
負責管理利東邨的威格斯物業管理有限公司承認，在利東邨一期中有東昌樓及東業樓受到鹹水不正常供應問題影響，故管業處已即時聯絡水務署跟進。
而水務署跟進後表示，根據紀錄，該署曾於上月三、四、十、十一及十二日收到鹹水供應出現斷斷續續的投訴，該署職員每次到場視察時，卻發現供水情況正常，故未能找到供水斷斷續續的原因。
肇因水庫水壓低
為調查鹹水供應斷斷續續的原因，該署已於日前在東昌樓的鹹水錶前加裝一個水壓記錄器，用以二十四小時監察供水水壓。
香港城市理工大學建築科技學部講師張少雄表示，他相信是因為政府的配水庫水壓較低，令鹹水未能進入位於山上的利東邨東昌樓的水缸，水位掣未能感到有水而影響鹹水供應。「所以水務署先至會喺鹹水錶前加個記錄器，收集水壓數據，用嚟證實係咪肇因於配水庫水壓較低。」（○二一一○○七）
服務熱線
電話：29908288
傳真：23702192
電郵：[email protected]