童年時伯伯手執鐵鎚錐子鑿叮叮糖的畫面記憶猶新，叮叮噹噹的聲響尤其過癮，惜今日這些小檔幾近絕迹，深水埗「甄記」碩果僅存。店主甄太堅持每星期工作3至5日，製作批發近千包叮叮糖，我試一小塊，大讚糖鬆化帶濃烈薑味兼不黐牙，她開心說：「梗係喇，煮糖時間計得好準㗎，煮唔夠會黐牙，煮太耐會變苦，煮好嘅糖漿要即時放凍水降溫，糖未變硬前又要用人手搓勻拉成長條狀，好考臂力，粒粒皆辛苦㗎。」她三女一子，只有二女夠力拉糖：「女仔唔鍾意做粗重工夫，𠵱家主要由細仔幫手，佢都唔肯做嘅話，遲啲無得食咯。」
甄記叮叮糖（27798634）
地址：深水埗福榮街49-53號榮華大廈2樓5室
